اى مخطوبة او متزوجة تدخل ديكورات سهلة وتحفة ومع ميفو محدش يقلب المحطة ههههه

انا جيبالكوا صور ديكورات و طرق عملها بالصور و الشرح الوافي (حلوة وافي دي ) ههههه
عشان الصراحة اما بدخل قسم الديكور ببقى عاوزة اطخ نفسي عيارين ههههه
بس فانا جيبالكم حاجات حلوة و مش حاحطلكوا صورها بس لا ححاول على قد ما اقدر اقولكوا كل حاجة تتعمل الزاى

اولا : ساعة المنبهات

بتجيبوا يا قمرات خشب و بتنشروه على شكل دايرة و دة بيكون الدايرة الصغننة
اللي في النص و بعدين بتنشروا عصايتيتن و تلزقوهم في المنبه و دي العقارب
و بعدين تنزلوا زى الشطار اى محل تجيبوا 12 منبه اى لون شبه بعض و بعدين لو
فيه مكان للمسامير في المنبهات دي يبقى تدقوا مسامير في الحيطة وبعدها
تعلقوا المنبهات و لو مفيش يبقى بغرا قوى
جداااااااااااااااااااااااااااااااااااااااااااا و تلزقوا المنبهات دي في
الحيطة

ثانيا :
غرفة نوم صغيرة المساحة (ملحوظة : انا كتبالكم على الصورة wall no. 1 و wall no. 2 و no. 3 عشان بس اقولكوا على رقم الحيطة و شرحها )

طبعا بعد الصورة دي شايفة كل واحدة بتقول يا ريت اوضتي صغيرة ههههه
بصوا يا قمرات الحيطة اللي متعلمة ب wall no. 1 اولا الحيطة دي لون البوية
بتاعتها slate grey بنجيب نقاش شاطر يطلعلنا اللون دة و ندهن الحيطة
باللون دة و بعدين نروح لنجار شاطر و نخليه يعملنا تابلوه خشب زى اللي
موجودة في نص الحيطة
و سيكوا من التلفزيون دة ونعلق التابلوه في نص الحيطة زى ما موجود في الصورة
wall no. 2 الحيطة دي الدهان بتاعها لونه burlywood و سهل نعلق الثلاث براويز في الحيطة
no. 3 دة دولاب جرار نعمله عند اى نجار و الباب الجرار حيكون لونه ابيض نقوم احنا ملزقين عليه sticker wallpaper ودة سهل يتجاب
و السرير بردو نروح لنجار يعملنا شبهه و كذلك الكومود

ثالثا :

الصورة دي مفهاش حاجة تتشرح يا قمرات
السياميك لونه saddle-brown و الكراسي دي سهل اى نجار يعملها
و الحيطة لونها ابيض
و اللوحة اللي على الحيطة بردو لو عايزينها ممكن اى رسام يرسمها
و بعدين ورا الكراسي الثلاثة فيه كرسيين و ترابيزة خشب
الترابيزة محطوط عليها 2 اباجورة من الطروف و تحف
بس كدة

رابعا

دة عشان الغرف اللي مساحتها صغيرة
الابيض بيدي مساحة كبيرة
هنا الحوائط لونها ابيض
و فيه مكتبة سهل ان اى نجار يعملها المكتبة لونها ابيض
ومحطوط فيها ادوات و كتب لونهم اخضر
و فيه كرسيين لونهم اخضر و سجادة خضرا
طبعا المكان ممكن نملاه بكمان ترابيزة اوتحف
بس اهم حاجة ميكنش لونهم غامق عشان نفضل محافظين على تجانس الالوان

خامسا

دة انتريه او صالون مودرن
الحيطة لونها dim gray و الكنب اللي موجود ممكن من اى محل اثاث او نجار يعمله و دي صورة اقرب لشكل الكنب
و قماش التنجيد من واحد بتاع قماش بس يكون عنده اقمشة جميلة و مودرن

و فيه ثلاث براويز خشب متعلقين تدريجي على الحيطة
و فيه ترابيزة في النص
و بروازين كبار مسنودين على الحيطة

ودولا باقي الصور من غير شرح بقى لان انا حاسة ان انا مش بشرح عدل و دلوقتي عمالين تقولوا ايه اللي هى عمالة بتشرحه و بتقوله دة

انا ولا هيك ولا هيك

بس دخلت

واسمحى لى اعبر عن اعجابى الشديد بما تقدمين

لا تحرمينا من ابداعاتك

تسلمى ياغالية

ومثل كل مرة احجزى لى غرفة الجلوس الأخيرة