تيتي تيتي البرلمان
راتب اوصيت وامان
بيدي مفتاح الجنان
والحماية اباب بيتي
تيتي تيتي مثل مارحتي اجيتي

الشعب رشحني ابرضاته
شاف تصويري اشحلاته
چان يتصور نجاته
ابمحبسي او جبتي اولحيتي
تيتي تيتي مثل مارحتي اجيتي

باچر اصبح دبلماسي
والحمايه فوگ راسي
واحد ايلمع امداسي
اوواحد اينفذ وصيتي
تيتي تيتي مثل ما رحتي اجيتي

هسه انه برلماني
بالسره الاول مكاني
الناس تبعثلي التهاني
وطش بالولايات صيتي
تيتي تيتي مثل مارحتي اجيتي



google_protectAndRun("ads_core.google_render_ad", google_handleError, google_render_ad);


الناس شمعرفها بيه
او منهو اليسأل عليه
الفخريرجع للبطانيه
صارت احزامي اوتچيتي
تيتي تيتي مثل مارحتي اجيتي

الشعب حاير ابأمره
گضه بالصدمات عمره
ايطيع كل واحد يأمره
اشحده ينشد عن هويتي
تيتي تيتي مثل مارحتي اجيتي

الشعب حمال دومه
حافي وامرگعه اهدومه
ايسلم امره الكل حكومه
والحكومه اتخاف حته من الكويتي
تيتي تيتي مثل مارحتي اجيتي

عدنه چم اهدان يحكم
ايگول بس تحچون فنكم
اگطع التموين عنكم
او فنه اليخالف مشيتي
تيتي تيتي مثل مارحتي اجيتي

ايحرم انواع الفنون
حته صوت اليغنون
ايحلل الترياك ويه الفسنجون
ايگول فعل الخير نيتي
تيتي تيتي مثل مارحتي اجيتي

الشعب اصبح ايخاف
قابل ايعيش ابكفاف
واللغف جوه اللحاف
او محد اتهمه قضيتي
تيتي تيتي مثل مارحتي اجيتي

شكرا لك

على الموضوع الرائع

والمجهود

نور المنتدى بموضوعك

وننتظر منك دائما

جديدك وابداعك وتألقك

اتيت لاقف بين سطوركِ
اتيت لامتع عيني
بعذب البوح وجميل الكلام
اتيت وقد شدني النور المنبعث
من هنا
وما ان صافحت عيناي حضوركِ المعطره
حتى صمت كل شيء
اجلالا واحتراما وتوقيرا لكلماتكِ الراقية
حروفكِ عندما تصافـح شرفـات البـوح ...
تتـسـاقـط ابــداعـا وشــهــدا..
وتتغنى السطور كشدو عصافير ..
دمتِ بحب وسعاده ..

مشكوووووووووور فى انتظار المزيد من هذا التالق والابداع