السلام عليكم
حبيت انقل لكم هذه القصيدة الحزينة التي تتحدث عن اطفال العراق الذين تحملوا مسؤولية عيش عوائلهم
وهم في اعمار صغيرة .. لكن كانوا قـد المسؤولية وهمهم الوحيد هو جلب المسواگ (الطعام) الى عوائلهم ، من دون ان يمدوا ايديهم الى الغير
اطفال العراق ضحوا بطفوليتهم وحلاوتها ومدارسهم وترافتهم وترفيهم من اجل لقمــة العيش الكريم
ملاحظة: يوجد الكثير من الكلمات الصعبة التفلظ على اخواننا لربما لا يفهموها انا مستعد للتوضيح
اسم القصيدة (الله مو طفــل شـايل صبر ايوب)
العربانه الدفع سترت بيوت هوايه
وعوائل من عوائل عاشت عليهه
طب للسوك باجر تلكه عدنه ورود
جف العوز كسر كل امانيها
بذرتهم قهر ونزرعت بالآم
وحاصوده الوكت كل يوم تحويها
واحدهم تشوفه زغير من بعيد
بس بدموعه تلكه الدنيه باجيها
تلكاه مو طفل بالهم جزه التسعين
البراءه اتحولت وحشيه تاليها
للااطفال عيد وتفرح الاطفال
والفرحه اعتقد معروف راعيها
مو مثل اليدور كروه للاايجار
هذا الماتمره ومايمر بيها
بس عاشور عيده يصير تدري شلون
اذا ضاع الشغل يكعد يحاجيها
فدوه لخاطر امي امبارك المسواك
وعندي اخواني جاعت ورد اعشيها
ويفتر بالولايه ويجي لهذا وذاك
عمي ايجار عايز ورد اوديهه
ويجي البيته جسد والروح صح وياه
يجر بالروح كوه تكول سابيها
لان امه خطيه متانيه اعله الباب
ومن امه استحه بياهم يلااكيها
الله_مو طفل شايل صبر ايوب
هموم الدنيه كلهه براسه خافيها
منــقول
تحية حب واحترام لأطفال العراق المظلومين
الرئيسية 
