فداك القلب ياعمري وكل مملك ترى يفداك
فدتك احلامنا الحلوه فداك الحب وشجانه
فدتك احزان وعيونا تهل الدمع من فرقاك
فدتك الروح ياروحي فداك الدمع وعيانه
رسمتك حلم قدامي بقلبا عاشقا يهواك
وباعيش العمر فدوه لعين الحب واحزانه
انا ماهمت بدروبك عشان ابقى على ذكراك
انا جيتك امل يمشي بروح الحب وحنانه
خذ مني جنون الشوق وقلبا صادقا لك جاك
يبي يشكي لك همومه وقصة حب خلانه
خذ اللي فات من عمري وكل اللي بقى ينصاك
يبيك احلى قمر يمشي على سطره وقيفانه
انا من عاش في همه وبأشواقه تعب يلقاك
عيونه من كبر همه تبات الليل سهرانه
كتب حرفه لجل حبك ولا فكرابد ينساك
رسمك احلى قمر يسكن وسط قلبه وجدانه
اغليك قلتها كلمه صداها محتضن دنياك
ورب الكون ياعمري عليك الروح ولهانه
راقت لي كثيراّ
الرئيسية 
