أحبابي..
احــبابي تشتت حالي بألمها
وروحـي بقت تتماطل بألمها..
الناس على الارض يمشي بلمها..
وانـــه بالمــاي بلمي غرك بيه
..
محسوووبة من العمر كل ليلة نكضيها..
محسوووبة من الدرب كل خطوة نمشيها..!
افرح ولا تنتظر
ايامنا الي تمر
رحلة بقطار العمر
سفرة بمرابع خضر
شتريد سميها..!!
يالرايح بهالدرب وانت على ناسك ضيف
يراد معشر حلو ولمة احباب وكيف
لو شفت ليلة شتا ولسعة ظهاري الصيف
صبرك ولي تنجلي وتصير ذكرى وطيف
ولا تكول مو بيدي
الوكت مو بيدي
ايامنا الي تمر
رحلة بقطار العمر
شتريد سميها..!!
من توكف بنص درب الدنيا تبقى تدور
المي صعد للجرف والفخر للناعور
دور الحبيب الوفي وامشي بدرب بيه نور
وعينك على صاحبك يغفى وتظل ناطور
ولا تكول مو بيدي
الوكت مو بيدي
ايامنا الي تمر
رحلة بقطار العمر
ايامنا الي تمر
سفرة بمرابع خضر
شتريد سميها..!!
منقــول
للجبل كاظم اسماعيل الكاطع
الرئيسية 
