ترى عادي اذا شينه.. اقول البنت ذي قمه
اذا كانت غنيه حيل تحسن لي من احوالي
وش المانع يزيّنها بعيوني قلب ما همه
سوى كم الف تعطيني واصير بقلبها غالي
تعبت بعشقي لساره ونوف ومي مع شمه
فقارا ما لقيت الا بو دقه .. دق جوالي
ترى وضع الفقر مزري الا يا مثقله همه
ترى ولْد الفقر تايه وولْد العز ما يبالي
على بابي طوابير ٍ من الديانه ملتمه
يبون فلوسهم مني وانا تنطيش منوالي
بنات الفقر يكفينا .. غراب و زار بِن عمه
فحلّو عن سما اهلي .. اذا هو حالكم.. حالي
ابي اعشق بنات العز بلا صدق وبلا ذمه
كفايه غثني عمي بزواج وغثني خالي
وأقول ابْداً أنا ما اخذ .. وجيبي فاتح ٍ فمه
عشان اسدد ديوني واحسن وضعي المالي
أبي اقهر انا الناغي وباقهر معه بي اِمه
أبي اركب شبح اخر موديل .. الختم جفالي
وبعده جحده محترمه ونفس ٍ ماهي مهتمه
اشوف لقلبي شي ثاني واذا ماتن وانا مالي؟
طموحي هو يحركني يزيد العزم والهمه
لجل ما اتربّع القمه ..واصير الشامخ العالي
شغل وشوا له يا عمي لابو شغلي لابو امه
انا خوفي سبب شغلي يجي همّي وغربالي
انا ربي رزقني شعر.. نثرته بارجع المه
وصوتٍ يسحب قلوب العذارى خلف موالي
تبون الجد .. انا امزح.. قصيدي مستخف دمه
ولو بنت الفقر فالي ... ف (فال الله) ولا فالي
مما راق لـ هلالي داخل مزاجي
الرئيسية 
