احلى الومضات
كلش موطبيعي ودخت كلش بيك
وداخت من حجت وياك كلماتي
بحلاتك سيد وينكالك مولاي
ومن كد ماحلو كتلك يمولاتي
شفتك غوشت عيني وكمت ماشوف
درت وجهي صفح شافتك ذاناتي
************************
ماترهملي بس تفصال أحس بيك
ومر تكتل وضوكنك إشمحلاك
هله بجيتك أصيح وإنت ماجاي
وأقشمرني وكوم أتشابك أوياك
*************************
منكد ماحلو: الحلوين من لاكوك
صفو جنهم عبيد أكبالك الحلوين
آنه وغيري حقنه إعليك من ندوخ
اذا حتى ابو عمامه يصيح هذا منين
*************************
هوى غيرك من أشمنه أموت
لكن أرجع عدل من أشتم هواك
تدري آنه شكد أحبنك بحيث
من تهد إنت عليه أفزع وراك
************************
وصل حبي إلك حد ماهو معقول
بحيث اوياي إنت وآنه مشتاك
تشابكني وتشاقيني وأشاقيك
وأصيح الله وكبر بسك فراك
***********************
الشاعر عبد الحسين الحلفي
الرئيسية 
