مرحباااااااااا
هاي قصيده بعنوان
" سفينة وطن "
اتمنا ان تنال اعجابكـــــــــــــــــم
*************************************
وطن جنك سفينة مزاعله الموج وشراعك كسرته وغرك قبطانك
مادامك سفينه المرسه صار الموت لأن الموت يندل فقط عنوانك
وطن عندك حضاره بعهد هابيل وقبل هابيل يمكن جان ديوانك
امس جارك اجاك وكاتله الجوع رحت بساع تركض تذبح احصانك
ذبحت احصانك المن للأجاك اليوم رفس دلة الكهوه وكسر فنجانك
جارك ابنه تاجر خيرك السواه وانته ابنك يتيم بزود جيرانك
بكل بستان مايك شبع النخلات بس مايك حرام يضوكه بستانك
بيك الوان طيف انشوف مرسومات هسه شماله الاسود سيد الوانك
يوسف من اخوته الضيم شافاه وصرت يوسف واخوتك يعني عدوانك
بعدهي الشمس صفره شلون باكوك باكاك الامس دفيته بحضانك
شبعو باللحم كطفولك انته عضام ويتمنون جانوا لحسه ردانك
مانقبل وطنه اطفاله جوعه اتبات حرام انته اليجوع بخير كيعانك
تزرع باليتامه وبس ارامل ليش وتكطع بالمناجل ورد شبانك
*********************************
بقلم
أمـــــــير العتابـــــــــي
الرئيسية 
