غدارة انتي
غدارة انتي
غدارة وصدگ بيـــچ الغدر مزروع
ونه الما ساعة اغدرت زين تدريـني
حسبالي حلم اتغــنه بي كل يــــــــوم
بس طعنات الخناجر چانت تصحيني
أمّنـــت الگلب عندچ گلت يـــــــرتاح
يل حبچ مرض يــــســري بـشراييني
تتذكرين مرة من چنــتي تـــتـــمنيــن
خل نُبقه ســـــوه و ويـــــّــــاك خليـني
ظليت بأمل وبگلبي ظـــل يـــعيــــش
يا سلوة عُمُر يــــا عمري وسنيـــــني
يل طيفچ رسم دايــــم يــــــظل علبال
ولو طيــــفــچ يُــمر لا ما غفت عيني
اسـكــت يــــا گلب بالك تحن علراح
لان حُبـهــه انتهه ذكراها تــــأذيــــني
تدريني احتـــرگ مـــن ما جرة وصار
و نيــــران المحنـّـه شــلون تچويـــني
خليـــني ويــه گلبي خليــنه بـــل آهات
لا ريــــدچ بعد لا ريـــــدچ تـُمريـــني
ما كفاچ جرحي مو خنجرچ مــسمــوم
نابت وســـــط ظهــــري لا تحـاچيـني
ماريــــدچ بعد بيّه تفكريـــــــن
ولحبنه ابد وچ لا تــــحنــــيــــن
وبإســــمي خلص لا لا تناديـــن
طلعتي من الگلب وما تـــردّيــن
كذابة انتي وخايـــــنة والگـــلب غــدار
بعتيــــني برخص وانــتي ما تملكيـــني
اذكرچ مـــــن غدر ومنـــــو اللي بــاع
جاية ابخداعچ كل ظنـــچ ترجعــيــــني
قرار اتخذتــــه ومن صمـيـــــم الروح
ما اســـمح ابد بدموعــــچ تخدعيـــــني
لان گلبــــچ من حجر مو مثل الگلوب
وما ظنــّـــه الحجر يــگـــدر يداويـــني
اعذريــــني لان صـــار الگلب مقـفـول
لا مفـتـــاح عندي ولا نبُض دنـــسيــــني
ماعفتچ غلط حاســـــــــــــبهه كلش زين
وذا لحظه اتعبت گلبي اليـــــــواسيــــني
ادريـــــهه صعبة لو مر ذكر طاريــــــچ
يــسحگ بالگلب يـــــگطع رياحيـــــني
بس هاذي انتي سويـــــتي كل ما صــار
مواني اغدرت انــتي اللي غدرتيـــــني
شليتي الگلب ما يــــــگدر يكمْل ويـــاچ
بس يگدر يعيــــــش وانتي مو عيـــــني
قفـّلته اني وســجـــــن باني إعـــليــــــه
ما يـــــطلع بعد بــس خل اســـد ديــــني
وباغمج بــــحر بيــدي شــمرت مفتـاح
مفتاح الــگــلب ما ريـــــدك تغشيـــــني
ماريـــد اعـــشــگ خل اداوي جـــروح
ومن أداوي جـــروحي يــــلا تلـفيــــني
الرئيسية 
