للشاعر : ابو فاطمة الرويمي

وعد عركَوب

يخي هذا الوكت
مذموم


كل شي بيه صبح مكلوب



حجاي الجذب


مرفوع راسه وللخلك محبوب


وحجاي الصدك يا حيف



كلما يكعد ابديوان ويزامط يرد مغلوب


ضاع الوفه وماله امجان


والواعد وعد بيه خان


اوعده اصبح وعد عركوب


واليضرب ركض شجاي


صب دمعه وحلف مضروب


واليضحك يكشر انياب



وكلبه اسود حقد مشبوب


الخايف من خياله ايصيح



انا عنتر


شجاع وبالحرب مهيوب


ونعرف ماله عين اتصد تلاكي الكوم



وما يكدر يلاكي الطوب


(((((((((())))))))))))


يا كلب الفقير اموجر ومعطوب


حافي وما ملكله غران



وكل موسم يركع الثوب



ولونه ايهوم عالبيبان



تنسد اعلى وجهه البوب


ولون يحجي خرافه ايصير حجيه



وفعله ما مرغوب

هو ويالتعاسه اطباك

وبابه الفرح مصلوب

يتحمل قهر وهموم


والام الوكت جمدوب

واليملك تشوف الناس


تفرشله العيون ادروب

وتطل تتلبلب اعلى الباب

تصفله وترتعشله اكلوب

وتوج ارواحها ابدربه

شمع وتــــــذوب

ولون يحجي غلط لحظه


وتشوف الهالحجي مكلوب


صحيح اتصيح جمعيه

وتكله ابلا تعقل خوب

كبح هذا الزمان الخله ابن اوى

على الغابه يظل مندوب

وخله الاسد وسط البير

متقيد يحيف ابذلته ومنكوب

ششوكرـإ ع آلموزوع ..
موضوع مميز كـ ععإدتكك
آلـى آلآمإمم
تحيإتي \\ زيزي