السلام عليكم ورحمة الله وبركاتهـ
هذة قصة حصلت لرجل من المدينة المنورة يبلغ من العمر مايقارب 48 سنة
إليكم القصة بإختصار ..
قدر الله على هذا الرجل واصابه فشل كلوي
وتبلغ الخبر بنفس صابرة مؤمنة بالله عز وجل
بعد أن أخبره الطبيب بإنه مصاب بفشل كلوي
خافوا أولاده عليه وقالوا له نبي نتبرع لك بكليه
لكن الأب رفض وقال لاتفتحون الموضوع بالمره مستحيل أحد فيكم يتبرع لي
المهم الأولاد خايفين على أبوهم
سألوا يمين يسار المهم قالو لازم نشوف لنا حل
اقترح أحد أصدقاء الأبناء بأن يذهبون لدولة مصر ويشترون كليه مقابل المال
طبعا حالتهم الماديه لاباس عليها
راحوا للوالد المصاب بالفشل الكلوي واقترحوا عليه ورفض الأب لكن بعد اصرار من الأبناء وافق
حجزوا تذكرة وراحوا مصر
المهم وصلوا مصر
سألوا الأطباء هناك سألوا كيف الحل
قال لهم الأطباء لازم يتبرع له أحد
المهم أخذوا تحاليل منه وسوو له فحوصات
بعد كم يوم قالوا الأطباء فيه شخص بيتبرع لك بكليه بشرط تدفع له 70 الف جنيه مصري
الأبناء وافقوا والأب قال موافق
دفعو الأبناء المبلغ للشخص 70 الف جنيه مصري
بعدها بيوم قال الأب أنا بشوف الشخص اللي تبرع لي قالو له مو لازم تشوفه خلاص الحمدلله لقينا اللي يتبرع
قال الأب لازم اشوفه ودي اشكره على اللي سواه معي
بعد الحاح شديد من الأب وافقوا الأبناء
أخذوا الأب للشخص اللي بيتبرع له بكليه قبل مايسوي العملية
دخل عليها الغرفة وإنها بنت 17 سنة
قالوا له الأبناء هذه اللي بتتبرع لك بكليه
انصدم الأب بالموقف
انشل لسانه عن الكلام
لم يتخيل إنها بنت في عمر الزهور
google_protectAndRun("ads_core.google_render_ad", google_handleError, google_render_ad);
طيب ليش تبرعت لي
مين اجبرها على كذا
وليش ؟
اتعرفون مالذي اجبرها على بيع كليتها
إنه الفقر
ايه نعم الفقر
هذه الفتاه تعول أخويها وأختها الصغرى بعد وفاة أبيها وأمها
صابهم الفقر الشديد اللي جعلها تبيع كليتها
المهم
تعرفون وش صار في الرجل
الرجل قال والله ماسوي العملية
انصدمو الأبناء قالوا ليش
قال والله ماسويها لو يصير اللي يصير
حاولوا الأبناء في الأب لكن رفض
طيب يابوي المبلغ اللي دفعناه
قال الأب والله ما أخذه ولا أبغاه حلال عليها
ويحرم علي حرمة البنت على أبوها
وحجزوا الأبناء والأب على السعودية
وصلوا السعودية
بعد شهرين لاحظ الأب تحسن في حالته سوا الأب فحوصات في مستشفى خاص قالوا له
مافيك شيء لافشل كلوي ولا هم يحزنون
الأب ماقتنع بنتيجة الفحوصات
راح مستشفى ثاني وسوى فحوصات وقالوا له مافيك شيء
الأب استغرب من الموضوع وراح للمستشفى اللي اكتشف فيه المرض أول شيء
وقالوا له نفس الكلام
سوى فحوصات خارج السعودية وقالو له مافيك شيء إنت سليم مافيك شيء
طبعا الحين بتقولون إنه خطأ طبي
ولكن الموضوع ماكان خطأ طبي
شفاه الله وعافاه
وقدرة الله فوق كل شيء
لكن هذا الشخص فرج كربة عن مسلم
فرج عن الفتاه ذات 17 سنة
ففرجها الله عليه وعافاه بسببها
الله اكبر .......
قدرة الله فوق كل شيء
الرئيسية 
